Eu, albanel
Non teño ningún título nin formación académica nisto do desenvolvemento frontend. Igual por iso prefiro chamarlle “albanelería web”. Aprendo o oficio diariamente na rede, grazas ao que outros comparten e a base de moito fozar -inspector mediante- co HTML, CSS, Javascript, PHP, APIs e quen sabe cantas outras palabrejas. Os estándares, a web aberta e descentralizada e en xeral o mundo open-source interésanme cada vez máis e gustaríame entendelo e axudalo mellor. Teño participado en xogos e retos como Codeacademy, CSS Zen Garden, The Coding Train ou o Hacktoberfest, cos que me animei a “forquear” (dise así?) e contribuír nalgúns repositorios.
No meu perfil de GitHub espero ir colgando todos eses pequenos experimentos e achegas, entretanto quedan por aquí algúns enlaces:
- A forma dos concellos. Utilísima ferramenta para visualizar os 315 concellos galegos segundo a forma das súas fronteiras (os concellos máis redondos ou os máis estirados, concellos de esquerdas e de dereitas, etc.). Máis info nesta entrada do blog ou neste artigo de GCiencia.
- Prettymaps A Coruña. Mapas da cidade da Coruña xerados coa librería Prettymaps de Marcelo Prates, baseada en OpenStreetMap.
- Processing Midibus: Demo para controlar animacións visuais de Processing cun dispositivo MIDI. Dun reto do Coding Train.
- Quick draw! scenes. Rudimentario xerador de paisaxes en p5.js combinando debuxos do dataset Quick draw! Inspirado en Faces of Humanity e tamén nun Coding Train de Daniel Shiffman.
- Vimix OSC template para Nanokontrol
Traducións
Por aprender e por enredar tamén teño traducido varias cousas ao galego.
- Flexboxfroggy: Xogo para aprender o CSS Flexbox, en galego.
- Un cuarto escuro. Tradución ao galego do videoxogo de aventura textual minimalista A dark room.
- Web Almanac (HTTP Archive). Tradución ao español do capítulo de Privacidade.
- WordPress
WordPress
Coñecín WordPress na época blogueira (2007, na rede de blogs de La Opinión) e desde entón digamos que me fun especializando. Hoxe é unha das ferramentas de traballo que máis uso e controlo como “frontend developer”, ou sexa, para facer páxinas web e cacharradas de todo tipo e condición. Asistín a varias WordCamps, a algunha como poñente, e de cando en cando (moito menos do que debera, con todo o que levo aprendido) contribúo na comunidade WP.
Fununcan
Fununcan somos Juan e eu (moito máis Juan que eu) facendo repinaldos sonoros. Música orixinal & versións en galego.
- Páxina web fununcan.com
- Bandcamp
- YouTube
Artigos en La Opinión A Coruña
Entre 2004 e 2010 traballei como redactora no xornal La Opinión A Coruña. Unha pequena escolma dalgúns artigos e reportaxes que me gusta reler de vez en cando:
- As bacterias non puideron co Prestige. 2007. VII Premio de Xornalismo Científico da Xunta de Galicia.
- El galán que cayó en Cedeira. 2009.
- Los doctores del agro. 2010.
- Sangre gallega en la Casa Blanca. 2010.
- El negocio de la basura. 2009.
- Sogama no incineró ninguno de los millones de fármacos recogidos en España desde 2002. 2009.
Refraneiro Galego
O Refraneiro Galego naceu como unha aplicación para iOS e Android que lle encarguei a FilloaDev e que publiquei en 2011 pero que xa non está dispoñible. Agora mesmo o proxecto está parado, coa idea de convertilo nunha webapp -vía Frontity- e servir unha API aberta, mentres tanto na páxina web pódese consultar unha pequena mostra dos case 10.000 refráns que forman a base de datos.